Ministri i Punëve të Jashtme në Maqedoninë e Veriut, Bujar Osmani nëpërmjet një postimi në llogarinë e tij në Facebook ka uruar Hakan Fidanin pas emërimit si ministër i Punëve të Jashtme të Turqisë.
“Ministrin e ri për Punët e Jashtme të Turqisë Hakan Fidan e urova edhe personalisht, duke ia përcjellë vullnetin dhe përkushtimin tonë në kultivimin raporteve miqësore dhe tradicionale, si dhe bashkëpunimin e ndërsjellë.
Maqedonia e Veriut vlerëson lartë raportet me Turqinë dhe jemi të gatshëm të japim kontribut shtesë për thellimin e mëtejmë, në interes të vendeve dhe qytetarëve tanë”, ka shkruar Osmani.
