Nëse ndodheni në qytetin e bukur të Sarandës nuk mund të humbisni mundësinë për të vizituar Parkun Kombëtar të Butrintit i cili është parku më i rëndësishëm përsa i përket trashëgimisë mjedisore dhe arkelogjike të vendit tonë.
Butrinti ndodhet në gadishullin e Ksamilit. Një vend plot gjelbërim ku turistët mund të shohin qytetin antik , ku rrënojat e qytetit të Butrintit ndodhen aktualisht nën mbrojtjen ndërkombëtare të UNESCO-s që prej 1992. Butrinti qëndron krah qendrave më të rëndësishme arkeologjike në Shqipëri. Ai është i shpallur Monument Kulture që në vitin 1948.
Një ekip arkeologësh vazhdojnë akoma të kryejnë gërmime në park, pasi ata besojnë se vetëm një përqindje e vogël ( 15 %) e asaj cfarë gjendet është zbuluar. Pavarësisht asaj gërmimet dhe gjetjet aktuale janë mbresëlënëse dhe nuk duhen humbur.
Parku është vendi i 16 specieve të rrezikuara të florës dhe i 14 specieve të rrezikuara të faunës. Liqeni i Butrintit, është i rrethuar nga male , ujë dhe këneta ku lidhet edhe me ngushticën e Korfuzit.
Përsa i përket arkelogjisë nuk duhet të humbasim teatrin – Në shekullin e III-të para Krishtit, shenjtërorja ishte modifikuar për të përfshirë një teatër të stilit grek. Teatri ishte planifikuar të ishte përdorur nga adhuruesit dhe priftërinjtë e shenjtërores për ceremoni fetare dhe diskutime publike. Në muret rrethuese mund të shihen mbishkrime të shumta që tregojnë lirimin e skllevërve për nder të perëndisë, Asklepius.
Më vonë në shekullin e II-të pas Krishtit teatri u rinovua dhe u zgjerua me një skenë të stilit romak. Hapësira e auditorit u zgjerua gjithashtu për të akomoduar popullsinë në rritje dhe për të vendosur deri në 2500 njerëz.
Në Butrint vizitorët gjejnë monumente nga tempujt helenikë, që na kthejnë pas në kohë në shekullin IV para Krishtit. Qytetin e Butrintit e vizitojnë mesatarisht 2.000 persona në ditë gjatë sezonit të verës.
Krahas teatrit , në Parkun Kombëtar të Butrintit mund të shohim edhe:
1. Pagëzimoren– konsideruar edhe si një nga pagëzimoret më të mëdha përsa i përket kohës së saj , ajo çfarë tërheq vëmendjen është sheshi i veçantë i shtruar me mozaik. Në ndërtesë zhvilloheshin edhe ritet e pagëzimit.
Krahas pagëzimores parku ofron edhe pika të tjera si:
1. Porta e liqenit
2. Porta e Luanit
3. Pusi i Junia Rufinës
6. Kalaja dhe muzeu
7. Bazilika e madhe
8. Pallati i Trikonës
9. Gimnasiumi
Foto marë nga EX.PO AUS .
