Kryetari i Komisionit për Organizimin e Partisë Demokratike të Kosovës në Mërgatë, Elmi Reçica, njëherësh deputet i kësaj partie në Kuvendin e Kosovës, bashkë me nënkryetaren e PDK-së, Vlora Çitakun dhe deputetin Enver Hoxhaj, morën pjesë në themelimin e nëndegës së kësaj partie në Padova të Italisë.
“Në kuadër të rikthimit dhe fuqizimit të Partisë Demokratike të Kosovës në diasporë, sot në Padova të Italisë, u themelua nëndega për këtë qytet”, ka deklaruar z. Reçica.
Ai ka njoftuar se “kryetar i nëndegës u zgjodh biznesmeni i suksesshëm Sefer Buzhala, dhe poashtu u votua për kryesinë e nëndegës. Të pranishëm në këtë takim ishin aktivistë të devotshëm të PDK-së dhe çështjes kombëtare, intelektualë, të rinj e të reja të cilët kanë shprehur vullnetin e tyre të bëhen pjesë aktive e PDK-së, në të mirë të zhvillimit të përgjithshëm të shtetit të Kosovës”.
Uroj dhe përgëzoj themelimin e nëndegës si dhe zgjedhjen e Sefer Buzhalës në krye të saj, ka deklaruar Elmi Reçica.
