Policia e Kosovës ka ndërmarrë një operacion të rëndësishëm në qytetet e Gjakovës dhe Prizrenit, duke ndaluar disa individë të identifikuar si “pelegrinë” serbë. Ministri i Punëve të Brendshme, Xhelal Sveçla, ka reaguar publikisht, duke zbuluar se disa nga të ndaluarit kanë lidhje të drejtpërdrejta me të dyshuarin kryesor për vrasjen e rreshterit Afrim Bunjaku.
Sipas burimeve, Policia e Kosovës ka ndaluar 16 pelegrinë serbë në territorin e Republikës së Kosovës, duke e përshkruar prezencën e tyre si një përpjekje për destabilizim. Arrestimet kanë ndodhur në GjakovëdhePrizren, ku disa nga të ndaluarit janë identifikuar si pjesëtarë të shërbimeve serbe të sigurisë.
Në Gjakovë, të shtunën u arrestuan dyserbë nga Mitrovica dhe dy të tjerë ngaSerbia, njëri nga Novi Sadi dhe tjetri nga Beogradi. Ndërkohë, në Prizren, pelegrinët serbë u ndaluan në zonën e Shatërvanit, ku autoritetet po hetojnë për lidhjet e tyre me grupe të dyshimta.
Sipas hetimeve paraprake, një nga të ndaluarit është një zyrtar i policisë serbe me gradë të togerit, i cili ka lidhje familjare me Nemanja Radivojeviq, i njohur si “Gandi,” pjesëtar i grupit terrorist të Banjskës. Ky grup është i lidhur me Vladimir Radivojeviq, i njohur si “Mami,” i cili konsiderohet si i dyshuari kryesor për vrasjen e rreshterit Bunjaku.
Gjatë kontrollit të automjeteve të ndaluara, janë gjetur prova të rëndësishme, përfshirë fotografi me hartën e Republikës së Kosovës, imazhe të terroristëve të vrarë në sulmin e Banjskës, si dhe mjete të tjera të dyshimta. Ministri Sveçla ka theksuar se këto ndalime janë pjesë e përpjekjeve për të garantuar sigurinë dhe për të parandaluar aktivitete të mundshme destabilizuese në Kosovë.
Ky rast ka ngritur shqetësime mbi përpjekjet për të shfrytëzuar pelegrinazhet fetare si mbulesë për aktivitete të dyshimta. Policia e Kosovës dhe organet e sigurisë janë të angazhuara për të vazhduar hetimet dhe për të informuar publikun mbi zhvillimet e mëtejshme.
Foto nga Google Images
