Përmes një postimi në platformën e tij sociale, Truth Social, presidenti Donald Trump u bëri thirrje qytetarëve amerikanë të qëndrojnë të fortë dhe të guximshëm përballë pasojave të politikave të tij ekonomike. Në mesazhin e tij, Trump theksoi rëndësinë e durimit dhe vendosmërisë, duke e cilësuar këtë moment si një mundësi historike për Shtetet e Bashkuara.
“Shtetet e Bashkuara kanë një shans për të bërë diçka që duhet të ishte bërë dekada më parë. Mos jini të dobët! Mos jini budallenj! Qëndroni të fortë, të guximshëm dhe të durueshëm, dhe madhështia do të jetë rezultati!”, shkroi Trump në postimin e tij.
“Ne kemi një trilion dollarë deficit tregtar me Kinën, qindra miliarda dollarë që i humbasim çdo vit. Pa u zgjidhur kjo, nuk do të ketë asnjë marrëveshje”, vazhdoi ai.
Kjo deklaratë vjen në një kohë kur ekonomia amerikane po përballet me sfida të mëdha, përfshirë ndikimin e tarifave tregtare dhe pasiguritë në tregjet globale. Trump ka mbrojtur politikat e tij ekonomike si të domosdoshme për të mbrojtur interesat kombëtare dhe për të forcuar pozicionin e Amerikës në skenën ndërkombëtare.
Ndërkohë, reagimet ndaj mesazhit të tij kanë qenë të ndryshme. Mbështetësit e tij e kanë përshëndetur si një thirrje për unitet dhe qëndrueshmëri, ndërsa kritikët kanë ngritur shqetësime mbi ndikimin e politikave të tij në ekonominë e përditshme të qytetarëve.
Foto nga SyriTV
