Jasir Asani pritet të jetë sulmuesi i ri i Las Palmas në La Liga. Ylli i Kombëtares pritet që ditët e para të korrikut të udhëtojë për në Ishujt Canarie dhe të hedhë të zezën mbi të bardhë, teksa besohet se kontrata do jetë 2-vjeçare.
Vetë shkupjani ka postuar një foto në kanalet e komunikimit, teksa duket kohëmatësi dhe flamuri spanjoll, postim që pas minutash në rrjet u fshi, kjo për mos komplikuar kalimin.
Duket se klubi koreano-jugor, Guangju është bindur për të lënë të lirë 29-vjeçarin, që prej gjashtë muajsh “ishte burgosur” në tribunë. Vlera 1.5 milionë euro në treg nuk bindi klubin e Guangju, që kërkonte 4 milionë për të lënë të lirë Asanin, teksa gjashtë muaj nga fundi i kontratës duket se ka ulur pritshmëritë dhe ka pranuar largimin e Jasirit./ lexo.al
