Secili zgjedh që ambientin përreth ta mbajë të pastër sidomos gjatë kohës që mund të jeni duke bërë një punë nga shtëpia. Mirëpo ka edhe të tjerë të cilët zgjedhin t’i lënë sendet e gjithçka përreth tyre sa andej- këtej . Po si ndikon kjo tek shëndeti juaj mendor?
Është e vështirë të përqendroheni në detyra të rëndësishme kur disa gjëra marrin vëmendjen tuaj. Studiuesit kanë zbuluar se të qenit afër çorganizimit e bën më të vështirë për trurin tuaj të përqendrohet. Kjo mund të jetë veçanërisht e vështirë për njerëzit me ADHD (çrregullim i hiperaktivitetit dhe deficitit të vëmendjes).
Sipas një studimi sugjerohet se nëse ndodheni në një dhomë të çrregullt , pra kur ka shumë gjëra përreth jush kjo gjë mund të nxisë kreativitetin . Sipas këtyre studimeve, kjo shihet të jetë e vetmja anë pozitive e rrëmujës pasi ato pohojnë se kjo gjë dëmton shëndetin mendor.
Kur gjithçka është në rregull, ju e dini saktësisht se ku i vendosni syzet dhe çelësat, në mënyrë për ti marë ato dhe për të vazhduar me ditën tuaj. Kjo kursen kohë dhe shumë telashe.
Sipas disa hulumtimeve , gratë që i shihnin shtëpitë e tyre të rrëmujshme kishin nivele të larta të hormonit të stresit, kortizolit gjatë gjithë ditës, ndërsa ato që e përshkruanin vendbanimin e tyre si një hapësirë të mirëorganizuar dhe çlodhëse kishin nivele më të ulëta.
Foto nga DeluxeMaid.
