Ndoshta shpesh e keni pyetur veten a ka ndonjë arsye specifike pse zgjoheni me dhimbje koke në mëngjes? A vjen kjo nga një arsye, apo është dicka e rastësishme që mund të na ndodhi pothuajse kurdo?
Epo përsa i përket kësaj pyetje , ekzistojnë një sërë arsyesh pse ndoshta kjo gjë ju ndodh në mëngjes.
Si fillim dhimbjet e kokës janë të lidhura me problemet e gjumit në mënyra të ndryshme. Mungesa e gjumit mund t’ju bëjë më të prirur për të zhvilluar një dhimbje koke tensioni gjatë ditës.
Por ajo mund të shkaktohet edhe në momentin kur kemi fjetur më tepër sesa zakonisht.
Kur bëhet fjalë për gjumin dhe dhimbjet e kokës, gjithçka ka të bëjë me ekuilibrin.
Ndonjëherë, trupit tuaj nuk i pëlqen kur ju flini më gjatë se sa jeni mësuar sepse kjo mund të prishë ritmin tuaj , t’ju bëjë të ndiheni të mërzitur dhe të kontribuojë në dhimbje koke. Gjithashtu nëse kërcitni dhëmbët në gjumë, kjo mund të jetë një arsye tjetër pse zgjoheni me dhimbje koke. Kërcitja e dhëmbëve gjatë gjumit ndodh kur në mënyrë të pandërgjegjshme ju kërcisni dhëmbët dhe shtrëngoni nofullën teksa jeni në gjumë.
Kjo krijon një tension të përgjithshëm në fytyrën dhe kokën tuaj, duke çuar në një dhimbje koke të keqe ose migrenë mëngjesin tjetër.
Një nga fajtorët e tjerë të mundshëm është dhe ai kur keni kosnumuar shumë alkool para fjetjes. Kjo varur dhe nga ndjeshmëria juaj ndaj alkoolit. Pra nëse jeni duke pirë shumë pak para se të shkoni në shtrat, ka të ngjarë të përjetoni dhimbje koke mëngjesin tjetër. Plus, alkooli dehidraton shumë trupin tuaj, dhe mungesa e ujit mund të kontribuojë gjithashtu në dhimbje koke.
Foto marë nga Today , Getty Images
