Qeveria e Kosovës të premten në një mbledhje elektronike ka miratuar rritjen e pensioneve për disa kategori duke filluar nga ky muaj.
Kryeministri Albin Kurti më 7 tetor në një konferencë për mediat pati njoftuar se është vendosur rritja e pensioneve për disa kategori për 20 për qind.
Nga janari i vitit 2025, sipas vendimit të Qeverisë, pensionet do të rriten edhe për familjet e dëshmorëve dhe të zhdukurve gjatë luftës.
Në mbledhjen e sotme, Qeveria ka miratuar edhe 200 mijë euro ndihmë për Bosnjën pas vërshimeve.
Gjithashtu miratoi edhe programin për Mbrojtjen e Konsumatorëve të Cenueshëm të Energjisë Elektrike për vitin 2024-2025.
