Pastrimi është një pjesë thelbësore e çdo rutine të kujdesit të lëkurës, por zgjedhja e pastruesit të duhur për lëkurën tuaj është gjithashtu jetike
A duhet të pastroj fytyrën paradite dhe pasdite?
Shpesh na pyesin a duhet të pastrojmë fytyrën dy herë në ditë dhe përgjigja për këtë është – PO.
Në mëngjes, pastrimi i fytyrës është i dobishëm për shkak të procesit natyral të eksfolimit që ndodh gjatë gjumit. Pastrimi i fytyrës kur zgjoheni ndihmon në largimin e çdo toksine, qelizash të vdekura të lëkurës dhe vajrave të tepërta që lëkura mund të sekretojë gjatë natës.
Në mbrëmje, është e rëndësishme të lani grimin, papastërtitë dhe mbeturinat që lëkura juaj do të ketë mbledhur gjatë gjithë ditës, po ashtu, disa ndryshime fiziologjike në lëkurë ndodhin gjatë natës dhe çdo papastërti sipërfaqësore do të parandalonte lëkurën të rigjenerohet siç duhet.
Pse është i rëndësishëm pastrimi?
Gjatë ditës, lëkura në fytyrën tuaj mbulohet vazhdimisht me baktere, papastërtitë. Pastrimi do të heqë këtë sipërfaqe të krijuar dhe do të lejojë një gamë të pastër për produktet e tjera të kujdesit të lëkurës që do të vijojnë më pas.
Rritja e hidratimit
Pastrimi ndihmon në menaxhimin e niveleve të pH të lëkurës; duke mundësuar mbajtje të mjaftueshme të ujit dhe produktit.
Si të bëni pastrimin e duhur
Masazhoni pastruesin rreth fytyrës tuaj për të paktën një minutë. Kjo do të lejojë kohë të mjaftueshme për një pastrim të plotë, duke vepruar pastruesi dhe përbërësit e tij aktivë në lëkurë. Nëse keni kohë do të thoshim, 1-3 minuta, është koha optimale.
Temperatura e ujit gjithashtu ka rëndësi. Uji i nxehtë nuk i hap poret dhe as uji i ftohtë nuk do t’i mbyllë ato. Në fakt, uji i nxehtë mund ta zhveshë lëkurën tuaj nga vajrat esencialë dhe ndryshimi i temperaturës së ujit vetëm sa do ta tronditë lëkurën, kështu që është më mirë ta shpëlani me ujë të vakët ose të ftohtë.
Ndiqni udhëzimet e pastruesit. Produkti do të ofrojë gjithashtu mënyrën më të mirë të përdorimit të pastruesve të tyre.
Pse u themi jo pecetave për fytyrën?
Pecetat e fytyrës mund të shkaktojnë acarim për shkak të konservantëve që parandalojnë mikroorganizmat nga ndotja e pecetave. Përbërës të tillë si kimikate çlirojnë formaldehid, tretës, surfaktantë dhe emulsifikues, rrisin rrezikun e zhvillimit të inflamacionit në lëkurën tuaj.
Mekanika aktuale e pastrimit të fytyrës me peceta fytyre, mund ta lërë lëkurën të irrituar. Fërkimi mund të shkaktojë inflamacion të shkallës së ulët që mund të shkaktojë shqetësime afatgjatë.
Qumësht me bazë kremi ose pastrues
I përkryer për llojet e lëkurës së thatë dhe të ndjeshme, por e përshtatshme për të gjithë. Një zgjedhje e mirë si pastrim i dyfishtë. /Telegrafi/
