Kreu i Partisë Demokratike, Sali Berisha, nga mbledhja me grupin parlamentar demokrat, sulmoi ashpër kryeministrin Edi Rama. Ai deklaroi se Rama u damkos rëndë në Këshillin e Europës, ku sipas Berishës, pas fjalimeve të tij të cilat i krahasoi me stilin e Gadafit, u anuluan të gjitha takimet me kreun e qeverisë shqiptare.
Berisha theksoi se ky incident tregon për imazhin negativ të kryeministrit dhe për mënyrën se si ai perceptohet në skenën ndërkombëtare, duke e konsideruar një paralajmërim për mënyrën se si qeverisja e tij ndikon si brenda vendit, ashtu edhe jashtë tij.
Ai vazhdoi duke thene se zemërimi i qytetarëve shqiptarë po shkon në përmasa të papërmbajtura. Ai thekson se ka një revoltë të brendshme shpirtërore te njerëzit e thjeshtë, të cilët e shohin se edhe shpresa për drejtësi dhe ndëshkimin e korrupsionit është shuar. Sipas tij, qytetarët kanë kuptuar se autori dhe arkitekti i sistemit të korrupsionit në Shqipëri është Edi Rama, dhe njëlloj si në diktaturë, drejtësia nuk mund t’i afrohet atij. “Vjedhja e pasurive të tyre dhe e fondeve publike për Edi Ramën është bërë normalitet, ndërsa ai konsideron veten si padron i tyre,” tha ai.
Deklarata vijon duke përmendur një incident të fundit ndërkombëtar: “Java e kaluar, Edi Rama u damkos në tempullin e demokracisë europiane, Këshillin e Europës. Para një audience që përfshinte vendet anëtare të Bashkimit Europian, NATO-s dhe vende të tjera, ai doli si personazhi më negativ i sesionit. Pas fjalës së tij të stilit ‘alla Gadafi’, takimet dhe drekat zyrtare u detyruan të anuloheshin, një situatë që sipas raportimeve nuk kishte ndodhur kurrë më parë.”
Ja nje pjese nga fjala e Sali Berishes ne mbledhjen me grupin parlamentar demokrat:
“Zemërimi i qytetarëve po shkon në përmasa të papërmbajtura. Ka një revoltë të brendshme shpirtërore te njerëzit e thjeshtë që e shohin se dhe ajo shpresë që kishin te drejtësia për ndëshkimin e korrupsionit u shua. Ata kuptuan se shkaku, autori, arkitekti i sistemit të korrupsionit në Shqipëri e ka emrin Edi Rama. Ata kuptuan se njëlloj si në diktaturë, drejtësia nuk mund t’i afrohet atij. Qytetarët po e kuptojnë dhe e kanë kuptuar se vjedhja e pasurive të tyre dhe e fondeve publike për Edi Ramën, është normalitet. Konsideron veten si padron të tyre. Ndërkohë, duhet t’u informoj se java e kaluar ishte një javë në të cilën Edi Rama u damkos në tempullin e demokracisë europane, Këshillin e Europës. Para asaj audience, bashkimit të vendeve anëtarë, të NATOS dhe të vendeve të tjera, mund t’u pohoj me garanci të plotë se bajlozi i zi, personazhi më i zi në këtë sesion ishte Edi Rama. Si asnjë tjetër, ai ka emrin më të keq aty. Ishte regjistruar se pas fjalës së tij të stilit alla Gadaf, shkoi tu japë leksione ky. Ata u detyruan të anulojnë takimet dhe drekën zyrtare. S’ka ndodhur kurrë!”
Foto nga Google Images
Artikulli i përgatitur nga ACTVUSA
