Afati i fundit për ofertat për të blerë Manchester United po afrohet gjithnjë e më shumë dhe investitorët nga Arabia Saudite i janë bashkuar garës.
Familja Glazer është hapur për shitjen e gjigantit anglez, me të gjitha ofertat zyrtare që duhet të jenë në tryezë përpara mbylljes së bursës sot në Nju Jork.
Thuhet se një sërë të interesuarish kanë paraqitur tashmë propozimet e tyre dhe mediat raportojnë se emra si Sir Jim Ratcliffe dhe Elon Musk janë të interesuar për të eksploruar mundësinë e një blerjeje të Man Utd.
The Telegraph shkruan se disa grupe në Riad kanë bërë kërkime për United dhe kanë nënshkruar materialet e blerjeve. Interesi saudit ishte shfaqur edhe te Chelsea kur ata ndryshojnë pronësi në vitin 2022, ndërsa Fondi Kombëtar i Investimeve prej 614 miliardë dollarësh (PIF) është tashmë i përfshirë në Newcastle United.
Megjithatë, ka shumë interesa rivale, me Autoritetin e Investimeve të Katarit (QIA) që tregon se do të bëjë një ofertë për sa kohë që UEFA nuk kundërshton Qatar Sports Investments (QSI), një degë e QIA, e cila tashmë kontrollon Paris Saint Germainin./Telegrafi/
