Në një intervistë televizive sot, Sekretari amerikan i Shtetit, Marco Rubio, theksoi se Shtetet e Bashkuara nuk do të pranonin kurrë një marrëveshje të tillë që cenon kufijtë ndërkombëtarë të Ukrainës, duke përfshirë Donbasin dhe Krimenë.
Rubio reagoi, pas spekulimeve mediatike, se administrata amerikane po konsideronte një zgjidhje territoriale që do të përfshinte lëshime ndaj Rusisë. Ai e quajti këtë lloj propozimi të papranueshëm dhe në kundërshtim me parimet bazë amerikane dhe komunitetin ndërkombëtar.
“Shtetet e Bashkuara nuk do të pranojnë asnjë zgjidhje që cenon kufijtë ndërkombëtarisht të njohur të Ukrainës — përfshirë Donbasin dhe Krimenë,” deklaroi Rubio gjatë intervistës. Me fjalë të tjera, pozita zyrtare mbetet e njëjtë: respektim i plotë i sovranitetit dhe integritetit territorial të Ukrainës.
“Jemi ende shumë larg,” shtoi Rubio. “Nuk jemi në prag të një marrëveshjeje paqeje. Nuk jemi në prag të një marrëveshjeje të tillë. Por mendoj se është bërë përparim dhe është drejt një të tille. Në fund të fundit, nëse nuk ka një marrëveshje paqeje, nëse nuk ka një fund të kësaj lufte, presidenti ka qenë i qartë – do të ketë pasoja. Por ne po përpiqemi ta shmangim këtë. Dhe mënyra se si po përpiqemi t’i shmangim këto pasoja është me një pasojë edhe më të mirë, që është paqja, fundi i armiqësive.”
Foto nga Google Images
Artikulli i përgatitur nga ACTVUSA
