Tiranë, 23 shtator 2025 – Sot në Tiranë nuk pati surpriza, pati vetëm bindje. Këshilli Bashkiak, me dorën lart e sytë ulur, votoi shkarkimin e Erion Veliajt. Arsyeja? Jo se e menduan vetë, por sepse “kështu tha Rama”.
Veliaj ndodhet në paraburgim, i përfshirë në hetime për abuzime me tendera dhe shpërdorim detyre. Por as kjo nuk ishte arsyeja e fortë e vendimit. Deputetë, këshilltarë, ministra – të gjithë prisnin fjalën e fundit nga Kryeministri. Dhe kur ajo erdhi, vendimi i Këshillit u bë thjesht një formalitet i turpshëm.
Frika që komandon votën
Në sallën e Këshillit te Bashkise nuk kishte debat, nuk kishte dyshime. Kishte vetëm frikë. Frikë për të humbur karrigen, frikë për të dalë kundër shefit, frikë për të pasur mendimin e vet. Shumica absolute ngriti dorën me shpejtësinë e një refleksi, duke i dhënë fund një dekade të Veliajt në kryeqytet.
Lojtarët e rinj, loja e vjetër
Në vend të Veliajt, PS po përgatit Ogerta Manastirliun si figurën e re për Tiranën. Por pyetja e vërtetë nuk është kush do jetë pasuesi, por kush do të guxojë të vendosë ndryshe nga Rama. Deri tani, përgjigjja është e qartë: askush nga mazhoranca. Zgjidhja e vetme eshte qe Bashkine e Tiranes ta fitoje opozita. Vetem atehere vendimet nuk mund te varen nga Rama.
Shkarkimi i Veliajt do të mbahet mend jo si një akt llogaridhënieje, por si një leksion i freskët i frikës politike dhe i lindjes se nje autokracie e cila sot u provua hapur ne zhvillimet ne Bashkine e Tiranes. Cdo zyrtar i korruptuar duhet te largohet me proces gjyqesor dhe jo me urdhra politike.
Erion Veliaj prej vitesh e kishte kthyer Tiranën në një kantier për betonizimin dhe me shfaqje të pafundme inaugurimesh. Në fund, nuk e larguan për tenderat që u bënë legjenda urbane, as për pishat e mbjella që u zhdukën më shpejt se u rritën, por sepse “kishte ardhur urdhri politik”. Ironia është se ai vërtet e meritonte të largohej, por jo me telekomandë nga lart – duhej larguar nga drejtësia, jo nga Rama.
Foto nga Google Images
Artikulli i përgatitur nga ACTVUSA
