Vullkani Fagrandalsfiatl, i cili ndodhet pranë kryeqytetit të Islandës Reykjavik ka shpërthyer duke nxjerrë llavë dhe tym.
Zyra Meteorologjike Islandeze (IMO) tha se shpërthimi “i vogël” filloi të hënën në gadishullin Reykjanes të Islandës, por deri më tani nuk është raportuar asnjë ndërprerje në aeroportin Keflavik të vendit.
IMO tha se kishte një çarje 200 metra të gjatë në shpatet e malit Litli Hrútur, “nga e cila llava po del si një seri burimesh”.
Shkencëtarët kishin paralajmëruar për shpërthime të mundshme pasi qindra tërmete të vogla u zbuluan javët e fundit.
Duke qenë se shpërthimi ndodhi në një zonë të pabanuar, nuk kishte “rreziqe të menjëhershme” për komunitetet ose infrastrukturën, u shpreh IMO.
Gjithsesi ata paralajmëruan që njerëzit të mos i afroheshin zonës, duke thënë se do të ketë “nivele të larta të rrezikshme vullkanike.”
Në një deklaratë, zyra tha se shefi i policisë së gadishullit urdhëroi mbylljen e të gjitha shtigjeve drejt vullkanit për shkak të “ndotjes masive të gazit që është kërcënuese për jetën”./CNN
Foto nga CNN, Google.
