Mbrëmjen e sotme do të mbahet nata finale e edicionit të 67 të Eurovision Song Contest.
Festivali i famshëm do të fillojë në orën 21:00, teksa në skenën e Eurovizionit i cili do të mbahet në Liverpool , do të jetë Albina dhe Familja Kelmendi, që do të përfaqësojnë Shqipërinë.
Përfaqësuesja e Shqipërisë do të këndojë e 10-a në rradhë me këngën ” Duje” .
Këngëtarja është shprehur në një lidhje telefonike për “DUK’AT” në Radio Dukagjini duke thënë se:
“Nuk mundem ta përshkruaj emocionin që e kemi përjetuar mbrëmë. Ne kemi punuar shumë për t’i gëzuar këto rezultate, kështu që jemi të lumtur edhe për gjithë mbështetjen e shqiptarëve që na kanë dhënë. Votat e njerëzve që na deshën, na dërguan në finale e na bënë të përjetojmë këtë ndjenjë të madhe”.
Të drejtë vote kanë jo vetëm 37 vendet pjesëmarrëse konkursit, por edhe qytetarët nga e gjithë bota që jetojnë në vende që nuk marrin pjesë në Eurovision.
Të gjithë shqiptarët që jetojnë jashtë Shqipërisë kanë mundësi që të votojnë me kodin “Vote 10” për të mbështetur Albinën dhe Familjen Kelmendi, në momentin që do të hapet televotimi.
Foto marë nga Wiwibloggs, Google.
