Në dokumentarin e datës 19.02.2023, RRUGËTIMI I KOSOVËS DREJT PAVARËSISË të Radio Televisionit të Kosovës, në kohëzgjatje prej 1:29:55 min, asnjëherë nuk u përmenden gjyqet politike, ato tribuna të jashtëzakonshme njerëzore të pjestarëve të popullit shqiptar dhe vitet e shumta burgu që u shqiptuan!
Nuk u përmenden as nga moderatori Korab Lecaj, dhe as nga të ftuarit në studio Prof. Dr. Ibrahim Gashi, znj. Kaçusha Jashari dhe prof. Dr. Begzat Baliu!
Gjatë tërë minutazhit asnjëherë, nuk u përmenden fare gjyqet politike të anëtarëve të organizatave ilegale politiko – patriotike dhe të sudentëve e të rinisë shqiptare në përgjithësi dhe jehona e ndikimi i tyre në popull, në luftën për çlirim nga zgjedha serbe!
Mbi 600(gjashtëqind), shekuj burg kanë bërë shqiptarët në luftën për liri e pavarësi kundër Serbisë pushtuese!
Ismet Sylejmani,
Prishtinë, 25 Shkurt 2023!
