Me datën 29 gusht Hoti i Malësisë së Madhe feston festën tradicionale të pajtorit të kësaj famullie Shën Gjoni (Sh’njoni i Hotit) nata e festës bie me datën 28 gusht ku dhe krahina mbushet me miq që vijnë nga çdo anë për të festuar festën e Malit të Hotit, tradita fillon me pregaditje para festës dhe kulmon në natën e madhe ku krahas ushqimeve dhe pijeve të ndryshme nuk mungon asnjëherë mishi në hell ose siç thuet në dialekt mishi i ‘ferlikut’.
Në ditën e festës Hotjanët dhe miqtë e tyre mblidhen te kisha ku dhe kryhet rituali i meshës së shenjtë, pas meshës organizohet një koncert artistik ose siç ësht quajt gjithmonë (Logu i Sh’njonit)
Për organizimin dhe mbarëvajtjen e këtij programi artistik janë kujdesur Muzikanti i njohur Zoti Eduard Lekaj dhe prifti i famullisë Pater Prela, të cilët arritën që të realizojnë një program të mrekullueshëm artistik, ku performuan këngëtarë të njohur të veriut dhe më gjerë.
Si gjithmonë festa hapet me këngë për krye krahut, për të vazhduar më pas me programin e pregaditur dhe prezantuar mjeshtërisht nga Helena Lekaj e cila me një finesë dhe prefesionalizëm të krijonte përshtypjen se je në një nga festivalet mbarëkombëtare.
Muzika e përzgjedhur nga muzikanti dhe njëkohësisht organizatori Eduard Lekaj krijonte një ambjent festiv që të ftonte instiktivisht në valle.
Programi filloi me dy valltarët e vegjël Franko Pepaj dhe Visarda Celaj të cilët kërcyen vallen e cila quhet (K’cim Malsorçe)
Për të vazduar me këngëtarin e ri nga Hoti Elderin Dekaj i cili u bë i njohur me këngën Hit ” O HOTJAN”
Për të pasuar me këngëtarin Nikollë Buci i cili ka një karrierë të gjatë artistike. Pastaj këngëtarja e madhe e thirrur ndryshe Bilbili i Malsisë Violeta Deda performoi dhe dhuroi një atmosferë të mrekullueshme.
Të ftuar ishin dhe këngëtarët e Trevës së Dukagjinit Fran Kodra dhe Ndue Shytani.
Muzika vazhdoi me ritme të larta, dhe ktë e bëri më së miri këngëtari i mirënjohur Bilbili i Dukagjinit Pellumb Vrinca i cili krijon atmosferë në çdo vend ku ai këndon.
Pastaj këngëtarja e mirënjohur Vida Kunora i ftoi të gjithë në pistën e kërcimit me këngët dhe ritmet e saj të veçanta që jehuan luginën e bukur të Hotit me Djemtë e Malësisë Tëme.
Për të pasuar tek këngëtari i njohur Fredi Delaj i cili në shenjë përkujtimi për kolegun e ndjerë Lindon Camaj këndoi këngën Vallja e Malësisë.
E kështu alegria vazhdoi me këngëtaren e mirënjohur Lulka Merkulaj e cila i mbajti të gjithë në valle.
Por festa vazhdoi akoma, ku nën ritmet e këngës që kërcehet në çdo festë në Malësi, Vallja e Çun Mulës që me interpretimin dhe zërin e këngëtarit Ylli Bushati krijoi një pistë të mbushur plot me kërcimtarë të cilë kërcenin dhe këndonin bashkë me këngëtarin.
Dhe kështu festa u zhvendos në Restorantin Kështjella e Dragoit ku organizatorët shtruan një darkë të mrekullueshme, ku krahas artistëvev morën pjesë dhe Mediat dhe Portalet e veriut, Malesia Chanel, Zani i Veriut, Kastrati News, televizioni dhe portali ACTV nga Shtetet e Bashkuara të amerikës etj.
