Trump shpërthen pas deklaratave të Zelensky-t: “Asnjë mirënjohje nga Ukraina, Europa vazhdon të blejë naftë nga Rusia”
Presidenti amerikan Donald Trump ka reaguar me tone të ashpra ndaj situatës në Ukrainë, vetëm pak minuta pasi presidenti Volodymyr Zelenskyy mbajti deklaratat e tij të fundit mbi luftën dhe marrëdhëniet me SHBA-në dhe aleatët. Në një postim të gjatë, Trump akuzoi drejtpërdrejt udhëheqjen ukrainase për mungesë mirënjohjeje, ndërsa kritikoi ashpër edhe Bashkimin Europian për varësinë e vazhdueshme nga energjia ruse.
Trump iu kundërpërgjigj për dy arsye kryesore, të cilat lidhen drejtpërdrejt me atë që tha Zelenskyy dhe me narrativën politike të Trump:
1. Zelenskyy i kërkoi SHBA-së të zëvendësojë naftën ruse në Europë. Kjo nënkupton më shumë angazhim amerikan, më shumë mbështetje financiare dhe më shumë përgjegjësi nga SHBA. Trump e kundërshton këtë, sepse ai beson se SHBA po paguan shumë, Europa po përfiton Ukraina nuk po tregon mirënjohje.
Pra, deklarata e Zelenskyy-t nënkupton më shumë kërkesa — dhe Trump e pa këtë si provokim.
2. Zelenskyy foli për energjinë ruse në BE — temë që Trump e përdor për të sulmuar Bidenin
Zelenskyy tha se Evropa duhet të heqë dorë nga nafta ruse.
Trump e përdori këtë për të bërë dy akuza:
• Europa vazhdon të blejë naftë nga Rusia, pavarësisht luftës
• SHBA ka “dhënë gjithçka falas”, por Ukraina nuk shfaq mirënjohje
Në mesazhin e tij, Trump theksoi se lufta mes Rusisë dhe Ukrainës “nuk do të kishte ndodhur kurrë” me, sipas tij, “udhëheqjen e duhur amerikane dhe ukrainase”. Ai shtoi se konflikti nisi gjatë administratës Biden dhe vetëm u përkeqësua më tej, duke e cilësuar zgjedhjen e vitit 2020 si “të manipuluar dhe të vjedhur”.
Sipas Trump, presidenti rus Vladimir Putin nuk do të kishte ndërmarrë kurrë një sulm të tillë gjatë mandatit të tij të parë, duke nënvizuar se të gjitha zhvillimet ndodhën “kur pa në veprim ‘Sleepy Joe’”.
Në vijim të deklaratës, Trump kritikon edhe qëndrimin e Ukrainës ndaj SHBA-së:
“Ukraina nuk ka treguar asnjë mirënjohje për përpjekjet tona”, shprehet ai, duke argumentuar se vendi i Zelensky-t ka përfituar ndihma të mëdha ushtarake dhe financiare ndër vite, ndërkohë që Europa, sipas tij, “vazhdon të blejë naftë nga Rusia”.
Trump i referohet edhe mbështetjes së vazhdueshme të SHBA-së për NATO-n dhe dërgesave masive të armëve, duke e cilësuar qeverinë e mëparshme amerikane si bujare deri në teprim:
“Crooked Joe ua dha gjithçka falas – falas, falas, falas, përfshirë paratë e mëdha!”
Në mbyllje, presidenti amerikan shprehet se ka trashëguar një konflikt që “nuk duhej të kishte ekzistuar kurrë”, duke e cilësuar luftën si një humbje për të gjithë, veçanërisht për “milionat e njerëzve që kanë vdekur kot në këtë katastrofë njerëzore”.
“Lufta mes Rusisë dhe Ukrainës është një luftë e dhunshme dhe e tmerrshme e cila, me UDHËHEQJE të fortë dhe të drejtë nga SHBA dhe Ukraina, NUK DO TË KISHTE NDODHUR ASNJËHERË. Filloi shumë përpara se të merrja mandatin tim të dytë, gjatë administratës së Sleepy Biden, dhe vetëm sa është përkeqësuar.
Nëse zgjedhjet presidenciale të vitit 2020 nuk do të kishin qenë të manipuluara dhe të vjedhura – e vetmja gjë në të cilën janë të mirë radikalët demokratë të majtë – nuk do të kishte luftë mes Ukrainës dhe Rusisë, ashtu siç nuk pati, madje as përmendje, gjatë mandatit tim të parë.
Putin nuk do të kishte sulmuar kurrë! Vetëm kur pa Sleepy Joe në veprim tha: ‘Tani është shansi im!’ Pjesa tjetër është histori, dhe kështu vazhdon.
Unë trashëgova një luftë që nuk duhej të kishte ndodhur kurrë, një luftë që është humbje për të gjithë, veçanërisht për miliona njerëzit që kanë humbur jetën pa nevojë.
‘Udhëheqja’ e Ukrainës nuk ka shprehur kurrfarë mirënjohjeje për përpjekjet tona, dhe Evropa vazhdon të blejë naftë nga Rusia. SHBA vazhdon të shesë sasi të mëdha armësh për NATO-n, për t’u shpërndarë në Ukrainë (Joe i korruptuar ua dha gjithçka falas, falas, falas, përfshirë edhe ‘shuma të mëdha’ parash!). Zoti i bekoftë të gjitha jetët e humbura në këtë katastrofë njerëzore! Presidenti DJT.”
Foto nga the White House dhe president Trump pages
Artikulli i përgatitur nga ACTVUSA
