Presidenti Volodymyr Zelensky ka udhëtuar sot drejt SHBA-së, ku është pritur në takim nga Joe Biden.
Ky është udhëtimi i parë i Zelensky-t jashtë vendit që prej fillimit të luftës në Ukrainë. Presidenti ukrainas mbërriti në bazën e forcave ajrore të Maryland, ku u prit me ceremoni.
Më pas, ai udhëtoi drejt Shtëpisë së Bardhë, ku u takua me Presidentin Joe Biden. Sipas BBC, në orën 14:30 me orën lokale të SHBA-së, Zelensky dhe Biden do zhvillojnë një takim bilateral në zyrën ovale në Shtëpinë e Bardhë.
Në orën 16:30, ata do të mbajnë një konferencë në Shtëpinë e Bardhë, ku pritet të diskutohet për një paketë të re ndihme ushtarake nga SHBA-ja, me një vlerë prej 1.5 miliardë eurosh.
Në 18:16, do të jetë Nancy Pelosi e cila do të presë Zelensky-n në një takim në Kongresin Amerikan.
Ndërsa në orën 19:30, Zelensky do të mbajë një fjalim në Kongres.
