Të gjithë jemi përherë në kërkim të metodave të shpejta për të lehtësuar stresin e përditshëm që kemi.
Kjo mund të bëhet fare lehtë me anë të ushqimeve që konsumojmë. Kjo ndodh në momentin kur ne fillojmë bëhemi më përzgjedhës me ato çfarë hamë gjatë ditës.
Disa ushqime që mund t’ju ndihmojnë të reduktoni ankthin:
1. Cokollata e zezë – Prej disa studimesh është dalë në përfundimin se cokollata e zezë mund të përmirësojë humorin. Studiuesit kanë zbuluar se ngrënia e një karameleje me çokollatë të zezë me madhësi mesatare çdo ditë për dy javë , ul nivelin e hormonit të stresit, kortizolit, si dhe të hormoneve “fight or flight ” të hasura tek njerëzit shumë të stresuar ose që përballen me situata stresante.
2. Vezët – ato janë të mbushura me vitamina, minerale, aminoacide dhe antioksidantë të nevojshëm për një përgjigje të shëndetshme ndaj stresit. Ato janë veçanërisht të pasura me kolinë, një lëndë ushqyese që gjendet në sasi të mëdha vetëm në disa ushqime. Kolina është treguar se luan një rol të rëndësishëm në shëndetin e trurit dhe mund ta mbrojë ate kundër stresit .
3. Avokado– Konsumimi i porcioneve në mënyrë të rregullt të avokados mund të ndihmojë në stopimin e ngrënies së tepërt që bëjmë gjatë kohës që jemi të stresuar pasi ai mbush barkun dhe në përgjithësi na bën të ndihemi të ngopur.
4. Qumështi – siç e dimë është një burim i shkëlqyer i vitaminës D, e cila mendohet se rrit lumturinë. Njerëzit që kanë nivele të bollshme të vitaminës D kanë një rrezik më të vogël të çrregullimeve të panikut në krahasim me personat me nivele më të ulëta të vitaminës D. Ushqime të tjera që përmbajnë vitaminë D janë salmoni, të verdhat e vezëve dhe drithërat.
Foto e marë nga UTHealth Houston.
