Në portin e Durrësit u ankorua sot veliera “Sea Cloud” me turistë të huaj në bord.
Autoriteti Portual Durrës ndau sot pamje nga vizita e velierës, e cila vjen prej më shumë se 10 vitesh në Durrës.
“Dhjetëra turistë amerikanë erdhën sot në me velierën turistike “Sea Cloud”, për të vijuar turin e tyre njohës në vendin tonë. Shumë prej tyre u nisën drejt Krujës dhe Tiranës, ndërsa të tjerët do të vizitojnë qendrat historike dhe arkeologjike të Durrësit”, theksoi APD.
Veliera “Sea Cloud” me një personel prej 58 personash ka një gjatësi 110 metra dhe është e regjistruar në portin e La Valetas.
