Salt Lake City, Utah – Autoritetet amerikane kanë komunikuar zyrtarisht akuzat ndaj Tyler Robinson, 22 vjeç, i dyshuari kryesor për vrasjen e aktivistit konservator Charlie Kirk, i cili u qëllua për vdekje javën e kaluar gjatë një aktiviteti në Utah Valley University.
Prokurorët e kanë ngarkuar Robinson me akuzën më të rëndë të mundshme: vrasje të rëndë (aggravated murder), e cila sipas ligjit të shtetit të Utah mund të çojë deri në dënimin me vdekje. Përveç kësaj, ai akuzohet edhe për përdorim të armës së zjarrit, pengim të drejtësisë dhe tentativa për manipulim dëshmitarësh.
Hetuesit kanë bërë të ditur se ADN-ja e Robinson është gjetur në armën e krimit, një pushkë bolt-action, duke e lidhur drejtpërdrejt atë me sulmin fatal. Po ashtu, mesazhe të gjetura në telefonin e tij sugjerojnë se ai e kishte planifikuar vrasjen paraprakisht, ndërsa disa gëzhoja të zbuluara në vendngjarje përmbanin mbishkrime me mesazhe politike, që mund të hedhin dritë mbi motivin e tij.
Guvernatori i Utah, Spencer Cox, ka konfirmuar se Robinson refuzon të bashkëpunojë me autoritetet, duke mos dhënë asnjë deklaratë mbi ngjarjen. Hetuesit janë ende në kërkim të motivit të plotë pas këtij akti që ka tronditur opinionin publik në SHBA. Sipas guvernatorit të Utah, Spencer Cox, Robinson nuk ka pranuar fajësinë dhe nuk ka bërë deklarata për hetuesit. Në anën tjetër, familja, disa miqesi dhe shoqeria e tij pajtohen të ndihmojnë në hetim duke dhënë informacion që autoritetet shfrytëzojnë për të kuptuar motivin, që ende nuk është plotësisht i qartë.
Procesi gjyqësor pritet të marrë vëmendje të madhe kombëtare, pasi bëhet fjalë për një rast që prek drejtpërdrejt lirinë e fjalës, politikën dhe sigurinë publike në universitetet amerikane. Nëse shpallet fajtor, Robinson përballet me dënimin maksimal.
Foto nga Google Images
Artikulli i përgatitur nga ACTVUSA
