Presidentja e Kosovës, Vjosa Osmani, ka shprehur qëndrimin e saj të prerë lidhur me draft-statutin e propozuar nga Bashkimi Evropian për Asociacionin e Komunave me Shumicë Serbe. Pas një takimi me të dërguarin e BE-së për dialogun Kosovë-Serbi, Peter Sorensen, Osmani deklaroi se drafti aktual nuk është në përputhje me Kushtetutën e Kosovës, normat e BE-së, standardet e Këshillit të Evropës dhe vendimin e Gjykatës Kushtetuese të vitit 2015.
Osmani theksoi se një draft-statut i tillë nuk mund të hyjë në fuqi dhe nuk do të kalonte asnjë test ligjor në Gjykatën Kushtetuese. Ajo vuri në dukje se vendimi i Gjykatës Kushtetuese i vitit 2015 ka përcaktuar qartë standardet që duhet të respektohen për çdo nismë që lidhet me Asociacionin, duke përfshirë kompetencat ekzekutive dhe çështje të tjera të ndjeshme.
Gjatë takimit, Osmani e cilësoi procesin e dialogut deri më tani si të njëanshëm dhe të dëmshëm për kredibilitetin e tij. Ajo shprehu shpresën se me lidershipin e ri të BE-së, do të rikthehet balanca dhe barazia në tavolinën e bisedimeve, duke kontribuar në një proces më të drejtë dhe më të besueshëm.
Presidentja Vjosa Osmani tha:
“Po flasim për çështjen e draft-statutin e BE-së që unë personalisht besoj qe nuk janë në perputhje me Kushtetutën e Kosovës, nuk janë ne perputhje as me vlerat dhe normat e BE-së dhe standardet e Këshillit të Europës pastaj dhe po ashtu nuk janë në përputhje me vendimin e Gjykatës Kushtetuese të 2015-ës.
Një draft-statut i tillë që bie ndesh me këto te tria s’ka si te hyjë në fuqi dhe as nuk besoj qe do të mund të kalonte çfarëdo testi në Gjykatën Kushtetuese, e cila dë tashmë ka vendosur standarde për shumë nga keto tema te vendosura brenda draft-statutit siç janë kompetencat ekzekutive të Asociacionit e shumë çeshtje te tjera.
Pra, ishte më shumë takim njoftues rreth qëndrimeve tona jo vetëm për draft-statutin, por edhe për procesin e dialogut në pergjithësi”.
Me pas presidentja Vjosa Osmani vazhdoi:
“Më shumë u njoftua rreth qendrimeve tona sesa që morêm qendrime nga ana e tij dhe kjo eshte krejtësisht normale sepse eshtë fillimi i mandatit. Ka qenë një proces i njëanshëm që e ka dëmtuar edhe vetë kredibilitetin e procesit. Tani me lidershipin e ri të BE-së shpresojmë shumë kjo balancë dhe kjo barazi te rikthehet ne tavoline sepse do t’i ndihmonte edhe vetë kredibilitetit te procesit, si rrjedhojë shpresoj që të ketë rezultate më pozitive”.
Ky qëndrim i Presidentes Osmani reflekton përkushtimin e saj për të mbrojtur integritetin kushtetues të Kosovës dhe për të siguruar që çdo marrëveshje apo statut të jetë në përputhje me standardet kombëtare dhe ndërkombëtare.
Foto nga Google Images
