Ish-presidenti i Kosoves, Behgjet Pacolli shpreh shqetësim për trajtimin që disa qytetarët e Kosovës kanë marrë nga autoritetet ukrainase në pikën kufitare me Moldavinë. Ai thotë se këtyre shtetasve u eshte refuzuar hyrja në Ukrainë, janë ofenduar dhe keqtrajtuar, madje duke u quajtur “terroristë”. Ai thekson se, edhe pse ka shumë shtete që nuk e njohin pavarësinë e Kosovës, shumica pranojnë që qytetarët tanë të hyjnë me pasaportë kosovare — përveç, sipas tij, Ukrainës. Gjithashtu kujton një episod të mëparshëm, kur Kombëtarja e Kosovës në futboll u detyrua të udhëtonte në Gjeorgji për të zhvilluar një ndeshje — pasi Ukraina nuk lejonte që ata të hynin në territorin e saj. Pacolli nxit për një rishqyrtim të politikave që Kosova mban ndaj vendeve që, sipas tij, “nuk respektojnë as dinjitetin më minimal” të shtetasve tanë.
Në mesazhin e tij, Pacolli i ndërthur dhimbjen për shkeljen e dinjitetit me nevojën për solidaritet. Pyetja retorike që ngre – nëse është koha për të rishikuar qëndrimin ndaj atyre që ofendojnë qytetarët tanë – lë të kuptohet një mundësi për reflektim mbi diplomacinë kosovare. Megjithatë, nuk duket të ketë ndonjë reagim zyrtar nga Ministria e Jashtme apo qeveria. Reagimi i publikuar është vetë reagim personal dhe politik i Pacollit.
Ja postimi i plote:
“Ka dhjetëra shtete që ende nuk e kanë njohur Kosovën, por pothuajse të gjitha u lejojnë qytetarëve tanë hyrjen me pasaportë kosovare. Sot, Ukraina ka kthyer shtetasit e Kosovës në pikën kufitare me Moldavinë, jo vetëm që i ka refuzuar, por i ka ofenduar dhe keqtrajtuar, madje duke i quajtur “terroristë”. Ky nuk është rasti i parë: para disa vitesh, e njëjta Ukrainë veproi në mënyrë skandaloze me ekipin tonë kombëtar të futbollit, të cilët u detyruan të udhëtonin në Gjeorgji për të zhvilluar ndeshjen”, shkruan Pacolli në një status në Facebook.
Foto nga Google Images
Artikulli i përgatitur nga ACTVUSA
