Një tërmet i fuqishëm me magnitudë 6.0 goditi brigjet lindore të Japoni në mbrëmjen e 31 dhjetorit 2025, sipas raporteve të Shërbimit Gjeologjik të Shteteve të Bashkuara (USGS). Lëkundjet u regjistruan rreth 91 kilometra në lindje të qytetit Noda, në prefekturën Iwate, me një thellësi prej rreth 19.3 kilometra nën tokë.
Sipas raportimeve të autoriteteve dhe mediave të huaja, nuk ka pasur njoftime të menjëhershme për dëmtime serioze apo viktima si pasojë e këtij tërmeti. Autoritetet vazhdojnë të monitorojnë situatën dhe për momentin nuk është lëshuar ndonjë paralajmërim për cunami lidhur me këtë ngjarje.
Tërmeti u ndje gjatë festimeve të natës së Vitit të Ri, duke shkaktuar shqetësim tek banorët e zonave të prekura. Japonia është e vendosur në “Unazën e Zjarrit” të Paqësorit, një zonë me aktivitet të lartë sizmik për shkak të zhvendosjes së pllakave tektonike, prandaj lëkundje me magnitudë të tillë janë relativisht të zakonshme.
Në muajt e fundit, vendi është përballur me disa lëkundje të forta sizmike. Për shembull, më 8 dhjetor 2025, një tërmet me magnitudë 7.5 goditi brigjet veriore të vendit, duke shkaktuar edhe valë cunami dhe dëmtime në disa zona bregdetare, si dhe një seri lëkundjesh të tjera pasuese.
Foto nga Google Images
Artikulli i përgatitur nga ACTVUSA
