“KRIME KUNDËR NJERËZIMIT NGA UÇK– NUK U PROVUA, SEPSE NUK KA PASUR ASNJEHERE!”
Kjo është një nga fjalitë më të rëndësishme që duhet të dëgjohet sot, jo vetëm në Kosovë, por kudo ku flitet për UÇK-në dhe luftën për çlirimin e Kosovës. Vetë Trupi Gjykues i Dhomave të Specializuara në Hagë tha se Prokuroria nuk arriti të provojë përtej çdo dyshimi të arsyeshëm se kishte një sulm të gjerë ose sistematik ndaj popullsisë civile.
UÇK-ja lindi nga nevoja për të mbrojtur një popull që për vite me radhë përjetoi shtypje, dhunë dhe mohim të të drejtave themelore. Ajo u bë simbol i rezistencës dhe i ëndrrës për liri. Dhe sot, pavarësisht vendimit ndaj disa prej drejtuesve të saj, një gjë duhet të thuhet qartë: historia e një populli dhe lufta e tij për liri nuk mund të përmblidhen në një aktgjykim.
Për shqiptarët anë e mbanë, UÇK-ja mbetet pjesë e historisë së tyre, e kujtesës së tyre dhe e sakrificës së një brezi që luftoi për të jetuar i lirë.
Artikulli përgatitur nga ACTVUSA
