Një marrëdhënie e komplikuar, e ndikuar nga ngjarjet. Dhe tani Matthijs De Ligt është në telashe.
Me të mbërritur në Mynih në vitin 2022, ai duhej të rregullonte mbrojtjen e Bayernit. Ish-lojtari holandez i Juventusit në fakt shkoi mirë me Nagelsmann, aq sa dërgoi disa “shigjeta” drejt bardhezinjve.
Si ai, ashtu edhe Nagelsmann kanë deklaruar, në raste të ndryshme, se De Ligt në Gjermani ishte i impresionuar pozitivisht nga intensiteti i stërvitjes. Si për të thënë: në Itali, te Juve, nuk ishte kështu.
Por më pas Bayerni ndryshoi trajner dhe gjithçka ndryshoi për De Ligt. Marrëdhënia me Tuchel nuk është pozitive, holandezi mund të ndryshojë sërish klub në verë. Manchester United është në gjurmët e tij.
Në verë, me kërkesë të Tuchel, aty mbërriti Kim nga Napoli. Në hierarki, pra, De Ligt ka rrëshqitur pas koreanit dhe francezit Upamecano. Tani që Bayerni ka nënshkruar edhe me Dier, ish-lojtari i Juves rrezikon të jetë i katërti. Jo vetëm kaq: në korrik, Bayerni do të bëjë gjithçka për të marrë Araujo nga Barcelona.
Nëse do të kishin sukses, klubi bavarez do të duhej të lironte një pozicion dhe të mblidhte para. I sakrifikuari kryesor, në atë pikë, do të ishte De Ligt. Gjithashtu, sepse marrëdhënia e tij me Tuchel është mjaft e tensionuar. Lojtari do të donte të luante më shumë, por trajneri priste paraqitje më të mira.
Dhe kështu, me keqkuptimet njëri pas tjetrit, divorci nga Bavaria duket i pashmangshëm. Megjithatë, jo në janar. Skuadra e Bayernit është e “shkurtër”, për momentin klubi nuk ka ndërmend të shesë. Megjithatë, në verë situata do të ndryshojë. De Ligt mund ta gjejë veten duke paketuar valixhet përsëri.
/BotaSot/
