Kryetari i komunës së Tuzit, Nik Gjeloshaj, ka bërë një thirrje me rastin e procesit zgjedhor për zgjedhjet vendore të 5 Marsit, duke kërkuar nga pjesëmarrësit në zgjedhje të ruajnë korrektësinë, të jenë të drejtë dhe të mos i keqpërdorin emocionet e votuesve.
Gjeloshaj ka bërë thirrje “që në procesin zgjedhor të ruhet jeta private e çdo garuesi, në mënyrë që gjithçka të zhvillohet në një atmosferë korrekte, ashtu siç u ka hije malësoreve. Sepse nga 6 marsi vazhdon jeta normale dhe e përditshme, nënkuptohet nën drejtimin e Forumit shqiptar!”
Postimi i plotë i z. Gjeloshaj:
Po përsëris nje apel që kam publikuar mbas shpalljes së zgjedhjeve lokale në Tuz:
Siç e kini parë në mjetet e informimit, zgjedhjet lokale në Komunën e Tuzit janë shpallur me datën 5 mars të vitit 2023.
Meqënësë kemi hyrë në fushatë zgjedhore, ftoj partitë politike që të jenë korrekte, të drejta, të hapura për mendime të kunderta si dhe të mos keqpërdorin ndjenjat dhe emocionet e votuesve.
Ftoj partitë që të shpalosin programet dhe agjenden e tyre, në mënyrë që gara zgjedhore të zhvillohet aty ku e ka vendin, në arenën demokratike.
Bëj thirrje që në procesin zgjedhor të ruhet jeta private e çdo garuesi, në mënyrë që gjithçka të zhvillohet në një atmosferë korrekte, ashtu siç u ka hije malësoreve.
Sepse nga 6 marsi vazhdon jeta normale dhe e përditshme, nënkuptohet nën drejtimin e Forumit shqiptar!
NGJ
