Me rastin e zgjedhjeve lokale të 5 Marsit për komunën e Tuzit,adhetari dhe humanisti i njohur nga Malësia e Madhe,që jeton dhe vepron në Shtetet e Bashkuara të Amerikës,Mark Nikollë Pjetrushi Lulgjuraj nëpërmjet një shkrimi ka bërë thirje popullatës shqiptare në Malësi dhe gjith shqiptarëve kudo që jan që votën e tyre ta japin për Forumin Shqiptarë që shqiptarët të qeverisin në shtëpinë e tyre.
“Tuzi, me qeverisjen e Forumit Shqiptar, do të jetë garanci se qeverisja e mirë do të vazhdojë”-ka thënë ai.
Z.Lulgjuraj ka cekur se diaspora nuk do të haroj kurrë rrënjët e veta,atëdheun e gjakun e vet në Malësinë e krenarisë.
Në vazhdim mund të lexoni shkrimin e plotë:
Për Forumin Shqiptar, o sot o kurrë!
Në shekullin shqiptar, Forumi Shqiptar!
Partitë e bashkuara në Forumin Shqiptar për Malësinë, për Tuzin tonë, kanë treguar vetëdije të lartë atdhetare. Prej ditës që Tuzi u shpall komunë, faktori shqiptar politik e institucional i ka dhënë krah zhvillimit të kësaj zone, të harruar nga pushteti qendror i Malit të Zi.
Komuna e Tuzit, u vu në shërbim të të gjithë qytetarëve pa dallim, por, shqiptarët për herë të parë u ndjenë të barabartë, në shtëpi të vet, u ndjenë me përkujdesje, me buxhet e plane zhvillimore, me investime në rrugë e bujqësi, në arsim e shëndetësi, në sport e kulturë, në lehtësim të kushteve për të bërë biznes.
Tuzi, me qeverisjen e Forumit Shqiptar, do të jetë garanci se qeverisja e mirë do të vazhdojë.
Forumi Shqiptar do të jetë besa e dhënë për shqiptarët se puna për mirëqenien e qytetarëve nuk do të ndalet.
Forumi Shqiptar janë shqiptarët që duan ta qeverisin veten në shtëpi të vet, me ndihmën e çdo vote, në veçanti me përkrahjen e fuqishme të diasporës e cila kurrë nuk i harron rrënjët e veta, atdheun e gjakun e vet në Malësi, në Tuzin e krenarisë tonë.
Të gjithë për Forumin Shqiptar, o sot o kurrë!
Të bashkuar si gjithmonë për jetën më të mirë në vendlindjen tonë në Malësi!
Të bashkuar si gjithmonë për të vazhduar me qeverisjen e mirë për shqiptarët, me Forumin Shqiptar!
Me respekt:
Mark Nikollë Pjetrushi Lulgjuraj-SHBA
