Jo vetëm nënshkrime të reja, në javët e ardhshme Juventusi do të duhet të mendojë edhe për rinovimet e atyre lojtarëve, që do të skadojnë së shpejti kontrata.
Janë 9 lojtarë në skuadër që do të konfirmohen para përfundimit të kontratës së tyre në 2025. Ata variojnë nga kapiteni Danilo te Szczesny, duke kaluar nga Perin, Pinsoglio, De Sciglio, McKennie, Iling-Junior, Chiesa dhe Kean.
Më urgjente, megjithatë është kontrata e Adrien Rabiot, e cila do të përfundojë qershorin e ardhshëm (si Rugani). Nëse francezi do të qëndrojë apo jo, do të ndikojë gjithashtu në disa zgjedhje në merkaton e verës, me mesfushën që shfaqet si reparti me nevojën më të madhe për t’u forcuar.
Juventusi nga ana e tij do të ishte gati t’i ofronte atij një kontratë dyvjeçare me vlerë 7.5 milionë euro, të njëjtën pagë që ish-lojtari i PSG-së merr tashmë. 29-vjeçarja deri më tani nuk ka dhënë një përgjigje përfundimtare dhe nënë-agjentja duket se është gjithmonë në kërkim të një alternative, pasi vetëm pak muaj më parë ishte një hap larg arritjes së marrëveshjes me Manchester United.
Rabiot ndoshta dëshiron të ketë siguri, se cila do të jetë e ardhmja sportive e skuadrës, me objektivin minimal të Champions League ende për t’u arritur dhe nevojën për të pasur përforcime adekuate për të luftuar për kampionatin.
Më pas duhet të kemi parasysh aspektin ekonomik dhe fiskal të një rinovimi të mundshëm. Dekreti i Rritjes parashikon që tatimi i reduktuar është i vlefshëm vetëm për pesë vjet dhe do të përfundojë në verë. Përveç, nëse Rabiot vendos të blejë një shtëpi (ose të ketë një fëmijë). Në këtë rast përfitimet do të zgjateshin edhe për dy vite të tjera dhe kjo është ajo që po diskutohet edhe në Torino./lexo.al
