Botërori 2026 ka hyrë në fazën më emocionuese të tij, pasi janë përcaktuar katër skuadrat që do të luftojnë për një vend në finalen e madhe të 19 korrikut në stadiumin MetLife, në New Jersey. Pas ndeshjeve spektakolare të çerekfinaleve, në garë për trofeun më prestigjioz të futbollit kanë mbetur Argjentina, Anglia, Spanja dhe Franca.
Ndeshjet gjysmëfinale
14 korrik
- Spanjë – Francë
15 korrik
- Argjentinë – Angli
Të dyja përballjet pritet të sjellin spektakël, pasi bëhet fjalë për katër nga kombëtaret më të forta të turneut, të mbushura me yje dhe me histori të pasur në Kupën e Botës.
Si u kualifikuan
Në çerekfinale, Franca eliminoi Marokun me rezultatin 2-0, ndërsa Spanja kaloi Belgjikën me shifrat 2-1, duke siguruar duelin e parë gjysmëfinal.
Në dy ndeshjet e fundit çerekfinale, Anglia mposhti Norvegjinë 2-1 pas një sfide dramatike, ndërsa Argjentina triumfoi 3-1 ndaj Zvicrës pas kohës shtesë, duke kompletuar çiftin tjetër gjysmëfinal.
Kalendari i fazës finale
- 14 korrik – Gjysmëfinalja 1: Spanjë – Francë
- 15 korrik – Gjysmëfinalja 2: Argjentinë – Angli
- 18 korrik – Ndeshja për vendin e tretë
- 19 korrik – Finalja e Kupës së Botës 2026 në MetLife Stadium, New Jersey.
Me vetëm katër skuadra të mbetura në garë, Botërori 2026 po shkon drejt kulmit, ndërsa tifozët në mbarë botën presin të mësojnë se cila kombëtare do të ngrejë trofeun e kampionit të botës.
Foto nga FIFA
Artikulli pregatitur nga ACTVUSA
