Pas golit dhe kualifikimit është radha e rinovimit. Oliver Giroud humbi një penallti në “Diego Maradona”. Por disa minuta më vonë shënoi golin e Milanit në barazimin 1-1 ndaj Napolit, rezultat që i mjaftoi kuqezinjve për kualifikimin në gjysmëfinalet e Champions League.
Sulmuesi francez vijon të japë një kontribut të madh te kampionët në fuqi të Italisë, pavarësisht 36 viteve mbi supe. Giroud ndodhet në vitin e fundit të kontratës, por aventura kuqezi do të vazhdojë.
Drejtuesit e “Djallit” kanë arritur akordin me agjentin e sulmuesit. Francezi do të firmosë për një tjetër vit, me opsionin e zgjatjes së bashkëpunimit deri në verën e vitit 2025.
Sulmuesi, i cili gjatë këtij sezoni ka shënuar 13 gola, do të firmosë sot kontratën e re me Milanin.
/BotaSot/
