Frikë dhe ankth.
Gjyqtari Sascha Stegemann nuk mund të lërë pas gabimin e bërë në ndeshjen ndërmjet Bochum dhe Borussia Dortmund, kur në rezultatin 1:1 (që do të ishte edhe rezultati përfundimtar), ai nuk ka fishkëllyer një penallti në favor të verdhezinjve.
Për pasojë, BVB humbi vendin e parë në Bundesliga.
Stegemann u shfaq në emisionin televiziv “Doppelpass” në “Sport1”, i shoqëruar nga disa oficerë policie, që u ulën mes audiencës. Më pas arbitri tregoi historinë e tij: “Kam shumë mirëkuptim për emocionet që përjetohen pas asaj që ndodhi të premten, por unë dhe familja ime u kërcënuam konkretisht. Për këtë bëra denoncim”.
Për situatën foli edhe shefi i arbitrave gjermanë, Lutz Michael Fröhlich: “Nuk ka nevojë të flasim sërish për episodin që ndodhi në fushë.
Ekipi i arbitrave bëri një gabim, por çfarë nuk mund ta konceptoj është çfarë ndodhi më pas. Stegemann ka marrë kërcënime me vdekje, është diçka e mjerë, e papranueshme, e patolerueshme”.
Drejtori ekzekutiv i Borussia Dortmund, Watzke, i cili kuptueshëm ishte i zemëruar pas ndeshjes me gabimin ndaj ekipit të tij, megjithatë qëndroi në anën e Stegemann: “Pavarësisht gjithë zhgënjimit, ne nuk mund të fillojmë as të tolerojmë vulgaritetin e çdo lloji, shpifjet apo kërcënimet, si personalisht ashtu edhe në mënyrë anonime nëpërmjet mediave sociale.
Dhe kështu një gabim, sado i rëndë, nuk duhet të lindë ditë më vonë ndjesi të tilla si frika dhe makthi.
Ne si klub e dënojmë frikën e shkaktuar nga pafytyrësia e të tjerëve”.
