Southgate fton dy titullarët e Newcastle!
Pasi siguruan rikthimin e Newcastle në Ligën e Kampionëve, dy prej futbollistëve më të spikatur të bardhezinjve, Callum Wilson dhe Kieran Trippier kanë marrë ftesën edhe nga përfaqësuesja angleze.
Lajmin e ka bërë të ditur klubi i Newcastle, që njoftoi se ka marrë zyrtarisht ftesën nga federata për të lejuar dy futbollistët të grumbullohen për dy ndeshjet eliminatore të Europianit Gjermani 2024.
Të dy futbollistët kanë qenë pjesë e ‘tre luanëve’ edhe më herët, teksa Trippier numëron 41 ndeshje, ndërsa Wilson vetëm 6. Anglia do të përballet me Maltën në transfertë, më 16 qershor dhe tri ditë më vonë, do të presë në shtëpi Maqedoninë e Veriut.
/BotaSot/
