Kampioni i Kroacisë, Dinamo Zagreb ka plan serioz për të rikthyer në skuadër ish-kapitenin Arijan Ademi.
Ai u largua nga “Maksimiri” për në Pekin Guan, duke nënshkruar një kontratë trevjeçare, por trajneri i ri Sergej Jaqiroviq do të dëshironte ta kishte në formacion, njoftojnë mediat kroate.
Ademi është në negociata edhe me Trabzonsporin, i cili gjithashtu dëshiron ta ketë mesfushorin e shkëlqyer në formë huazimi nga klubi kinez.
“Sportske novosti” thekson se Ademi do të ishte një përforcim i madh për Dinamon e Zagrebit, i cili këtë sezon do të ketë konkurrencë të fortë në futbollin kroat nga Hajduku i Splitit dhe Rijeka.
