Stela Leka vajza e bukur dhe e hijeshme e cila me origjinë është nga Dukagjini por jeton në Bajzë të Malësisë së Madhe.
Ne e njohëm Stelën në spektaklin tradicional Logu i Bjeshkëve, dhe në vazhdimësi e pamë në evenimente të tjera Që u organizuan në Malesi me rastin e vitit të “Xhubletës” ku si gjithmonë Stela ishte e veshur me Xhubletën autentike të Alpeve Shqiptare.
Sa herë e vesh Xhubletën thotë Stela ndihem sikur kam një ndryshim të madh në jetën time, e ndiej se historia mijëravjeçare e popullit tonë është në çdo pjesë të kësaj veshjeje të veçantë, ornamentet ngjyrat dhe kombinimet perfekte të vendosura mjeshtërish mbi këtë veshje historike të kthejnë pas në kohë, ku imagjinon mbretëreshën e madhe Teutën të veshur me këtë petk madhështor, dhe ashtu si nëpër ëndrra e mendon veten si një mbretëreshë, sepse të tilla ishin femrat Malësore Mbretëresha dhe Fisnike.
Stela ka marrë pjesë në çdo eveniment ku kryefjalë ishte Xhubleta dhe do marrë pjesë gjithmonë thotë ajo për ACTV-në, isha pjesëmarrëse në spektaklin Rrnon Tradita N’Malsi T’Madhe, në Festën e Alpeve në Theth, në Logun e Bjeshkëve në Perdelec të Kelmendit dhe në spektaklin Mis Malesia Me Xhubletë që u zhvillua së fundmi në Tuz të Malësisë së Madhe, ku Stela mori çmimin “MISS OASIS”
Unë me origjinë jam nga Dukagjini por që jetoj në Bajzë, dhe duke e ditur se Malesia dhe Dukagjini janë pothuaj të përbashkët në zakonet traditë dhe kryesorja Xhubletën të cilat janë të një modeli, ku vetëm syri i një studiuesi mund të kapë ndryshime në ornamete apo modele të disa krahinave të Dukagjinit, pra unë jam bijë e Xhubletës dhe për këtë jam shumë krenare, si nga Babi si nga Nëna e trashëgoj virtytin e atdhedashurisë dhe do punoj shumë që në të ardhmen të jem një zë i fortë i ruajtjes dhe mbrojtjes së trashigimisë zakonore dhe tradicionale të veriut dhe në veçanti të Xhubletës e cila tashmë renditet krahas veshjeve më të vjetra të globit nën mbrojtjen e UNESCO-s.
Ne e falenderojmë ‘Miss OASIS’ Stela Leka dhe i urojmë suksese në Shkollë dhe faleminderit që e mbron dhe e prezanton me krenari Xhubletën Malsore. PAL QARRAJ./actvusa.com
