Pas izolimit të kryebashkiakut të Tiranës, Erion Veliaj, në qeli nën dyshimet për korrupsion dhe pastrim parash, prokurorët e posaçëm nuk kanë ndalur përpjekjet e tyre për të gjetur prova të reja kundër tij. Ndërsa mbahej në paraburgimin e Durrësit, prokurorët Ols Dado dhe Altin Dumani iu drejtuan gjykatës me një kërkesë për ta përgjuar Veliajn.
Keto përgjime janë paraqitur ditën e djeshme si një nga provat e reja që SPAK ka në duar ndaj personit nën hetim, Erion Veliaj, në Gjykatën e Apelit të Posaçëm. Prokurorët argumentojnë se këto biseda përmbajnë informacione të rëndësishme që mund të ndihmojnë në zbardhjen e çështjes dhe në vërtetimin e akuzave për korrupsion dhe pastrim parash. Veliaj dëgjohet me familjarët e tij të flasë për sulme të orkestruara ndaj prokurorëve e gjyqtarëve.
Ndërkohë, mbrojtja e Veliajt ka kundërshtuar këto prova, duke i cilësuar ato si të pabaza dhe të nxjerra jashtë kontekstit. Avokatët e tij kanë kërkuar që Veliaj të lirohet nga burgu, duke argumentuar se nuk ka rrezik për prishjen e provave dhe se ai ka qenë bashkëpunues me drejtësinë gjatë gjithë procesit hetimor.
Ky zhvillim ka ngjallur interes të madh në opinionin publik dhe mediat, duke pritur me padurim vendimin përfundimtar të Gjykatës së Apelit për lirimin ose jo të Erion Veliajt.
Foto nga Google Images
