Më 22 korrik të vitit 1718, në Firence, muzika europiane u bashkua me historinë shqiptare në një akt të jashtëzakonshëm artistik: u vu për herë të parë në skenë opera “Scanderbeg” e kompozitorit të madh italian Antonio Vivaldi. Përmes melodive të tij të fuqishme dhe emocionale, Vivaldi solli në skenat italiane figurën e Gjergj Kastriotit – Skënderbeut, heroit që sfidoi Perandorinë Osmane dhe mbrojti identitetin e një kombi të vogël, por krenar. Kjo vepër është një dëshmi madhështore se emri i Skënderbeut ka frymëzuar jo vetëm historinë, por edhe artin botëror, duke u bërë simbol universal i qëndresës, lirisë dhe nderit. Një moment i paharruar ku muzika baroke u përkul përpara legjendës shqiptare.
Më 22 korrik të vitit 1718, në Firence, u vu në skenë për herë të parë opera “Scanderbeg” e kompozitorit të famshëm italian, Antonio Vivaldi. Kjo vepër, e cila i kushtohet heroit kombëtar shqiptar Gjergj Kastrioti Skënderbeu, u shfaq në teatrin e njohur “Teatro di via della Pergola”.
Historia e Operas
Opera “Scanderbeg” është një nga veprat më të rralla të Vivaldit. Libretisti i kësaj opere ishte Antonio Salvi da Lucignano. Për fat të keq, partiturat e plota të operës nuk janë ruajtur, por disa pjesë të saj, përfshirë katër arie dhe dy recitative, ruhen në Bibliotekën Kombëtare në Torino.
Opera u shfaq rreth 18 herë rresht, një sukses i jashtëzakonshëm për atë kohë. Studiuesit besojnë se suksesi i operas lidhej ngushtë me situatën politike të kohës. Figura e Skënderbeut ishte shumë e njohur dhe e vlerësuar në Evropë për rezistencën e tij kundër Perandorisë Osmane.
“Scanderbeg” zë një vend të rëndësishëm në veprimtarinë artistike të Vivaldit. Përmes kësaj vepre, Vivaldi arriti të zgjerojë famën e tij në botën e operës evropiane. Ndryshe nga shumë opera të tjera të kohës, protagonisti i kësaj vepre nuk i përket mitologjisë, por një figure historike të afërt dhe të njohur për publikun evropian.
Edhe pse “Scanderbeg” nuk u shfaq më pas sezonit të parë, ajo mbetet një pjesë e rëndësishme e trashëgimisë kulturore dhe artistike. Kjo opera jo vetëm që nderon një figurë të rëndësishme historike, por gjithashtu tregon për ndikimin e artit dhe kulturës në përhapjen e historisë dhe heronjve kombëtarë.
Foto nga Google Images
Artikulli i përgatitur nga ACTVUSA
