President Donald Trump deklaroi të sot se India i ka ofruar Shteteve të Bashkuara heqjen e të gjitha tarifave mbi mallrat amerikane, një hap që ai e përshkroi si “të vonuar” pas viteve të tregtisë së padrejtë ndaj Amerikës.
Kjo deklaratë vjen pas vendimit të administratës Trump për të rritur ndjeshëm tarifat mbi importet indiane, duke përfshirë disa produkte kryesore, si pjesë e një strategjie më të gjerë për të ndëshkuar vendet që mbështesin tregtinë me Rusinë. Në rrjetin e tij Truth Social, Trump shkroi: “India tani ofron tarifa zero, por kjo duhej të ishte bërë vite më parë. Amerika nuk do të lejojë më abuzime tregtare.”
Zyrtarë indianë nuk kanë komentuar ende mbi këtë deklaratë, por burime diplomatike kanë sinjalizuar prej muajsh se India ishte e gatshme të rishikonte tarifat për rreth 60% të mallrave amerikane, si pjesë e një marrëveshjeje më të gjerë tregtare. Ky zhvillim shënon një moment kyç në marrëdhëniet tregtare mes dy vendeve, por qëndrimi i prerë i Trump lë të kuptohet se Uashingtoni pritet të kërkojë më shumë përpara se të zbusë presionin ekonomik ndaj Nju Delhit.
Postimi i plote i Presidentit Trump:
“Ajo që pak njerëz e kuptojnë është se ne bëjmë shumë pak biznes me Indinë, por ata bëjnë një sasi të jashtëzakonshme biznesi me ne. Me fjalë të tjera, ata na shesin sasi të mëdha mallrash, “klientin” e tyre më të madh, por ne u shesim shumë pak – Deri më tani një marrëdhënie krejtësisht e njëanshme, dhe kështu ka qenë për shumë dekada. Arsyeja është se India na ka ngarkuar, deri më tani, tarifa kaq të larta, më shumë se çdo vend tjetër, saqë bizneset tona nuk janë në gjendje t’i shesin në Indi. Ka qenë një katastrofë krejtësisht e njëanshme! Gjithashtu, India blen shumicën e produkteve të saj të naftës dhe ushtarake nga Rusia, shumë pak nga SHBA-ja. Ata tani janë ofruar të ulin tarifat e tyre në zero, por po bëhet vonë. Duhet ta kishin bërë këtë vite më parë.”
Foto nga profili i President Trump
Artikulli i përgatitur nga ACTVUSA
