Ambasada e Shteteve të Bashkuara në Tiranë Ambasada e SHBA në Tiranë ka bërë të ditur se këtë muaj është zhvilluar një stërvitje intensive e përbashkët mes instruktorëve amerikanë dhe operatorëve të Forcave Speciale Shqiptare.
Stërvitja është realizuar në ambientet e Regjimentit të Forcave Speciale në Zall Herr, ku pjesëtarët e Forcat Speciale Shqiptare kanë marrë trajnim të avancuar në lëvizje në terren të vështirë, zbulim taktik dhe veprim në fshehtësi.
Sipas njoftimit, instruktorët e US Special Forces kanë mbikëqyrur nga afër ushtrimet, të cilat janë përqendruar në rritjen e aftësisë për operim pa u zbuluar, identifikimin e kërcënimeve dhe neutralizimin e tyre në kushte reale fushore.
Qëllimi kryesor i këtij trajnimi është forcimi i gatishmërisë operacionale, përmirësimi i saktësisë në veprim dhe rritja e ndërveprimit mes forcave aleate, në kuadër të misioneve moderne të operacioneve speciale.
Stërvitje të tilla konsiderohen pjesë e bashkëpunimit të vazhdueshëm ushtarak mes Shqipërisë dhe Shteteve të Bashkuara, duke reflektuar gjithashtu parimin e përbashkët të misioneve speciale: “askush nuk lihet pas”.
Zall Herr mbetet një nga qendrat kryesore të trajnimit të forcave elitare shqiptare, ku zhvillohen rregullisht ushtrime të përbashkëta me aleatët ndërkombëtarë.
Foto nga Ambasada Amerikane ne Tirane
Artikulli pregatitur nga ACTVUSA
