Fabio Capello, drejtpërdrejt në “Sky Sport”, ka komentuar paraqitjen e Rafael Leaos kundër Dortmundit. Vërejtje, por sidomos elozhe në fjalët e ish-trajnerit, që në të kaluar e ka thumbuar jo pak portugezin e Milanit.
“Leao fillon ndeshjen në një mënyrë dhe shpesh jep idenë sikur është jashtë lojës! Ai e merr topin dhe në vend që të shkojë përpara, e kthen prapa.
Pastaj tërbohet gjatë gjithë ndeshjes dhe shpesh rezulton të jetë lojtari më i rëndësishëm. Milani në Dortmund pati tri raste të bujshme, dhe që të tria i krijoi Leao.
Vërtet diçka e bukur. Ai është kampion, por kur luan kështu dhe kur ai e kthen topin prapa”, shpjegoi Capello në fjalën e tij.
