Celtic po kërkon për trajner të ri.
Australiani me origjinë greke, Ange Postecoglou është emëruar trajneri i ri i Tottenhamit në Premier League. 57-vjeçari ka firmosur një kontratë 4-vjeçare me klubin londinez.
Kampionët e Skocisë po studiojnë alternativa të ndryshme. Por një ndër emrat e preferuar të drejtuesve është Enzo Maresca.
Ish-mesfushori italian është pjesë e Manchester City si një nga ndihmësit e Pep Guardiolës.
43-vjeçari provoi një aventurë në Itali si trajner i Parmës, teksa ka drejtuar edhe skuadrën U23 të City.
Bisedimet mes palëve kanë nisur dhe skocezët po tentojnë të bindin Marescan të pranojë ofertën për t’u bërë timonieri i Celtic.
Problemi i vetëm lidhet me Leicester City, që gjithashtu kërkon italianin si trajner. “Dhelprat” u rrëzuan nga kategoria dhe synojnë të rikthehen sa më shpejt në elitën e futbollit anglez.
/BotaSot/
