Drag Race II, festa automobilistike e radhës!
Kampionati i Kosovës në auto sport vazhdon këtë fundjavë, më 8 e 9 qershor, me garën e dytë në disiplinën drag race.
Ashtu sikur në garën e parë, edhe kësaj radhe pritet që interesimi të jetë i madh, si për nga numri i pjesëmarrësve, ashtu edhe për praninë e shikuesve.
Skender Potera, Leutrim Isufi, Lavdat Vllahiu e shumë të tjerë që kanë aplikuar deri më tani janë tregues i qartë se, edhe gara e kësaj fundjave, përveç masovitetit, do të karakterizohet edhe me shumë rivalitet.
