Milani këtë fundjavë do të luajë në kampionat kundër Udineses, ndërsa tri ditë më vonë PSG mbërrin në “San Siro” për një ndeshje thelbësore për ecurinë e kuqezinjve në Champions League.
Për këtë ndeshje, në tribunat e stadiumit të Milanos pritet edhe Gerry Cardinale.
Ndoshta rikthimi i tij në Milano është një indicie për një takim të ri me Zlatan Ibrahimovicin.
“La Gazzetta dello Sport” shpjegon se rikthimi i ish-sulmuesit suedez në Milano duket se po afrohet gjithnjë e më shumë.
Në javët e fundit, kontaktet kanë qenë të vazhdueshme dhe tymi i bardhë mund të jetë i pashmangshëm.
Ndër ata që janë pro rikthimit të tij në klub është sigurisht Stefano Pioli, me të cilin gjiganti suedez ka marrëdhënie të shkëlqyera. Zlatani do të ketë një rol operacional: në veçanti, do të duhet të jetë në kontakt të ngushtë të përditshëm me ekipin. Prania e tij në dhomat e zhveshjes do t’u jepte një motivim të ri të gjithë lojtarëve kuqezi.
/BotaSot/
