KF Shkëndija kampion i Ligës së Dytë!
KF Shkëndija nga Hajvalia është kurorëzuar me titullin e kampionit në Ligën e Dytë, pas fitores në xhiron e fundit kundër Rilindjes, me rezultat 3:1.
Kësisoj, Shkëndija bashkë me Dinamon e Ferizajt, e cila e mbylli kampionatin në pozitën e dytë janë promovuar në Ligën e Parë për edicionin e ri garues 2023/24.
Trofeun dhe medaljet për ekipin kampion të Ligës së Dytë i ndanë anëtari i KE të FFK-së, Ismajl Ajeti, kryetari i Komisionit të Garave të Ligës së Dytë, Ardian Llumnica dhe drejtori për sport në Komunën e Prishtinës.
/BotaSot/
