Presidenti i SHBA-së Donald Trump ka reaguar pas një mbrëmjeje të tensionuar në Washington D.C., ku Shërbimi Sekret dhe forcat e rendit ndërhynë me shpejtësi pas një kërcënimi sigurie gjatë një eventi zyrtar.
Sipas deklaratës së tij, situata është menaxhuar në mënyrë të menjëhershme dhe profesionale nga autoritetet, të cilat arritën të neutralizojnë kërcënimin dhe të arrestojnë personin e dyshuar si autor i sulmit. Trump theksoi se reagimi i forcave të sigurisë ishte “fantastik” dhe “i guximshëm”, duke shmangur pasoja më të rënda.
Presidenti gjithashtu u shpreh se kishte rekomanduar vazhdimin e eventit me frazën “LET THE SHOW GO ON”, por vendimi përfundimtar u la në duart e autoriteteve të sigurisë. Ai shtoi se, pavarësisht vendimit që do të merret, mbrëmja nuk do të vijojë siç ishte planifikuar dhe do të kërkojë riorganizim në një moment tjetër.
Ngjarja ka ngritur shqetësime për sigurinë në eventet zyrtare në kryeqytetin amerikan, ndërsa hetimet vijojnë për të zbuluar motivet dhe rrethanat e plota të incidentit.
Ja postimi i plote i president Trump:
“Quite an evening in D.C. Secret Service and Law Enforcement did a fantastic job. They acted quickly and bravely. The shooter has been apprehended, and I have recommended that we “LET THE SHOW GO ON” but, will entirely be guided by Law Enforcement. They will make a decision shortly. Regardless of that decision, the evening will be much different than planned, and we’ll just, plain, have to do it again.
President DONALD J. TRUMP”
Foto nga Google Images
Artikulli pregatitur nga ACTV
