Stadiumi ku luan ndeshjet e veta skuadra e Çelsit do të ndryshojë përsëri.
Mësohet se pronarët e klubit londinez Tod Boheli dhe “Clearlake Capital” kanë aplikuar në Këshillin e Hamersmithit dhe Fulhamit pasi duan që të marrin lejen për të ndërtuar dy luanë të mëdhenj gati 2.4 metra në hyrje të impiantit.
Nëse Këshilli i zonës do të aprovojë planin e pronarëve të Çelsit atëherë punimet do të nisin që në muajin nëntor.
Në kërkesë shkruhej se ndryshimet ishin të nevojshme pasi pronarët e rinj kishin plan që të rikualifikonin stadiumin e “bluve” të Londrës.
