Superliga e Kosovës i rikthehet nesër aksionit me dy ndeshje tejet interesante, të cilat do ta hapin xhiron e 28 të këtij edicioni.
Të dy ndeshjet do të zhvillohen me fillim nga ora 15:00, ku Drita dhe Ballkani e vazhdojnë garën për titull.
Drita do të zhvillojë ndeshje kundër Trepçës ’89, ndërsa Ballkani e pret në stadiumin e Suharekës skuadrën e Malishevës.
Momentalisht, Drita zë vendin e parë në tabelë në kuotën e 55 pikëve, krahas Ballkanit që renditet në vendin e dytë me 54 pikë të arkëtuara.
Në anën tjetër, Trepça ’89 gjendet në zonën e rrezikut, respektivisht në vendin e tetë me 29 pikë, aq sa ka edhe Malisheva në vendin e shtatë.
E shtune (08.04.2023)
15:00 Drita – Trepça ’89
15:00 Ballkani – Malisheva
/BotaSot/
