Mesfushori i Borussia Dortmund, Emre Can foli për Amazon Prime pas humbjes 2-0 të pësuar kundër Chelsea-t, që solli edhe eliminimin e ekipit gjerman nga Champions League.
Ish-lojtari i Juventus-it gjithashtu ka qenë dukshëm i zemëruar me arbitrin.
Sidomos për vendimet e tij dhe për penalltinë që fiksoi rezultatin në 2-0
“Nuk e kuptoj pse e përsëriti penalltinë, duke qenë se kishte kaq shumë lojtarë në zonën e rreptësisë dhe jo vetëm nga Borussia Dortmund. Makkelie kishte qëndrim të gabuar ndaj nesh gjatë gjithë ndeshjes, ne nuk e meritonim të eliminoheshim”.
Mundo Deportivo ka raportuar edhe një reagim të ashpër nga një tjetër lojtar i Dortmund-it.
Një reagim që ka ardhur nga ylli i skuadrës gjermane Jude Bellingham.
Në këtë rast, i riu anglez është shprehur vetëm për përsëritjen e penalltisë së shënuar më pas nga Havertz (humbi në tentativën e parë): “A është shaka?!”, kanë qenë fjalët e anglezit.
/BotaSot/
